輕鬆計劃自駕遊 16 comments 近來發現很多人對計劃自駕遊都有點無從落手,會來問我各種問題。 其實我並不是日本通,亦完全不曉日文,和大家一樣只會漢字,去日本自駕遊也就是那幾次,不過回想第一次落手落腳自訂行程時,也是有點老鼠拉龜的感覺,所以也就用自己的經驗分享一下。 【輕鬆計劃自駕遊】第一課:找出想去的景點 【輕鬆計劃自駕遊】第二課:編路線 【輕鬆計劃自駕遊】第三課:訂機票酒店之類之類 【輕鬆計劃自駕遊】第四課:一定要上到網 【輕鬆計劃自駕遊】第五課:集齊所有資料 【輕鬆計劃自駕遊】小貼士:找Mapcode教學 【輕鬆計劃自駕遊】小貼士:自助入油教學 【輕鬆計劃自駕遊】小貼士:使用車上導航及駕駛小心得 【輕鬆計劃自駕遊】小貼士:真爆喼應怎麼做 【輕鬆計劃自駕遊】小貼士:租WiFi蛋又平又方便 【輕鬆計劃自駕遊】小貼士:4G上網卡JWalker超好用 【輕鬆計劃自駕遊】小貼士篇:富士卡未落機已用得 【輕鬆計劃自駕遊】小貼士:4G上網卡即買即用 日本自駕遊+立雜遊 【輕鬆計劃自駕遊】第一課:找出想去的景點 分享:FacebookWhatsAppEmail
16 thoughts on “輕鬆計劃自駕遊”
Hi 你好!我想八月到北海道自驾游,一行六人,包括两位老人家,明白七人车不够空间放行李,请问有否送货/ 速递服务把行李早上从一间酒店当天送到另外一间酒店, 请给些意见, 谢谢。
我未試過日日寄行李,雖然日本宅急便好方便,但不知可否即日咁送呢?我有另一建議,未寫blog之前,我試過同兩次家人一起自駕遊,那時有七人,都只是租七人車,一次四大兩少年一小孩,一次五大一少年一小孩,比較理想的做法是租大型一點的七人車,例如我們租的Toyota hapi Estima/Alphard之類,那次我們共有五個喼,其中一個是大喼,仍然放到,節制一下行李數量,相信是較好的解決方法。
Thanks 我已經大致上知點係日文網度租車, 但有個問題, 佢入面O既選項冇得選租ETC同埋雪呔, 咁樣我係咪應該預約後要EMAIL過去訂呢?
首先你要確認自己租車的店舖有沒有ETC出租,在主頁的banner中有一項是借ETC卡的,入內有link查看相關店舖。
因為租車是我老公搞的,我不大清楚那一處說租ETC,應該有一處是選還要甚麼服務,有得租ETC時應可選。沒有的話send個email問啦。
師姐 我北九州之旅完結了, 分享返少少野先, 今次真係嘗試到雪駕芝味, 係冇預期的情況下 落左一日雪, 不過有雪軚, 全程我冇試過感覺到跣軚, 不過一見成地都係雪O既情況就減到車速太約40去過, 反而係上山o既路落好多高低落差位,上緊斜時係可以睇唔到對面線o既車, 同埋俾車o既gps點左我上去一條只有一架車過到o既單線雙程o既山路我行, 當發覺時已經冇足夠空間我調頭出返去, 最後硬住頭皮有驚冇險咁出返去大路, 不過就用多左一個鐘時間
嘩!好勁呀!聽你咁講,我有多啲信心,嚟緊可能計劃去冰島,好似話未到冬天都有啲地方有雪,所以有啲驚。
我印象中九州無啲咁難行嘅路,去邊度有咁斜?上阿蘇?不過日本其實唔少山路都係單線雙程,四國南部好多路都係咁,仲要條路都幾繁忙,由白川鄉去飛驒條360國道就係單線在山中係咁轉,但就唔多見車。試得多就無咁驚,只要唔好開太快,其實問題唔大,只係會疲倦一點。
玩得自駕,多多少少都會被GPS玩過,有時反而變成難忘的經驗!
咁九州好玩嗎?除了北海道,我最喜歡九州了!
有別府開始進入城島再到由布院再到九重夢大橋o既國道40同11 有幾個灣高低落差係會令到你睇唔到對面車的, 九州好玩呀, 我好鐘意四國同九州人唔太多o既地方, 今次九州重要住左四晚溫泉旅館, 唔係大集團o個d 係一間屋最多得七八間房o個d, 私人風呂同埋阿女一齊一家人咁浸真係好舒服, 下次再去阿女可能己經大到唔再肯同我一齊浸, 呢d機會真係冇下次呀T_T
多謝分享。
我阿女話我地呢啲係退休團,佢想去秋葉原行街,已經唔跟我地去,唔係我地飛起阿女,係畀阿女飛起我地,可能以後都係兩公婆遊世界了,真係要珍惜同阿女同遊嘅日子呀!
其實我都係係討論區見師兄師姐討論, 講TOYOTA係冇得買NOC
1月我都有心理準備山區會有雪, 是次行程比較HEA 主要係俾阿女玩O既地點多, 所以真係落雪時會楂得慢D, 同埋會租用雪呔, 係四國時都有小小雪駕經驗, 不過當時積雪唔厚, 你有冇雪駕經驗可以俾小弟參考下呢, THANKS ^^
我完全無雪駕經驗,朋友說最好先在停車場熟習一下,所有動作都要輕柔,包括畀油和煞車,我只會紙上談兵,希望幫到你,回來後來分享一下經驗吧!
另外想問下你 2016版 Prius 有冇USB插手指聽歌(定藍芽駁電話算? 因為我手機冇聽開歌), 同埋有冇USB俾電話差電? 需唔需要帶個點煙USB?
THANKS ^^
我印象中是沒有USB的,我是用藍牙聽手機的歌,勁方便,不過前提是同是到Toyota租車,我懷疑不同公司個車機未必相同。
叉電是要用點煙那個位的。
又係我….好多問題…..請見諒….請問我應該係邊度可以指定到2016 PRIUS呢, 我係TOYOTA HK/TW搵唔到…日文網就有 但日文唔識睇, 唔舖點BOOK, 請問一下你係邊個網租車的呢 THANKS
我是用這個日文Toyota網租車的,唔識日文大致都睇得明,其實來來去去要選的都是租車日期、店舖、車款,都係嗰啲嘢,不會日文也無問題的,這裡可選車款。
HI 你好 我睇完你九洲自駕BLOG有野想請教 希望可以指點下小弟
我明年1月中會去九洲自駕遊8天 打算去TOYOTA台灣網租新款PRIUS, 想問一下有關保險問題,
因為我係其他討論區見d師兄講toyota係冇全保買的, 係咪真呢? 謝謝~
所謂全保是指甚麼呢?租車是我老公負責的,我知道他有加購保險,剛翻查一下toyota的網站,有關保險可看這裡,基本上租金是包括基本的保險,亦可加錢買免責補償制度,這個是否滿足你所謂的全保呢?
另提提你,一月九州有可能下雪,有雪駕的心理準備嗎?