第一天:暴風後的晴天櫻花遍開


上野公園的夜櫻
05/4/2012(四)

香港>東京

池袋太陽城太子

第一次四月去日本,終於有機會賞櫻了!

這次可說是匆忙成行,之前還在籌備七月的家族北海道之旅,二月尾老公突然話復活節去玩幾日,在此超級旺季臨時才去訂機位,很困難,平時訂開的東灜遊都話無,找上朋友介紹的旅行社,訂不到心目中的4號去8號返,只訂到5號去9號返,還要坐CO,早聞美國航空公司無好嘢,不過無辦法啦!

臨去前有兩個壞消息,第一個係有兩個朋友搭Delta,兩個都鬧;第二個係日本被季候風吹襲,落雹兼有人死傷,有點擔心。

坐聯合航空細機

好了,早一晚call定的士,怎知的士大遟到,司機又古古怪怪,chok住去機場,去到一看,CO同UA結合,變成坐出名差的聯合航空,心下一涼,去到閘口一看,隻機好細,慘了。

翠華早餐

行程由機場的翠華早餐開始,不過食完先記得影相。

聯合航空

聯合航空機仔細細,有不好的預感。

上到飛機,位好窄,最慘是沒有個人電視,只是吊了個在前兩行,以前坐國泰,最好那種是可按自己意願看電影,幾時開始都得,暫停又得,免得常miss了最前的十分鐘,不好看又可中途轉第二套。呢次乜都無,遠看細電視極無癮,看書打機,幾個鐘都幾難捱。

終於到了東京,好彩迎接我們的是大晴天,心情都好番啲,沿途還看到櫻花遍開。順利搭鐵到池袋,太陽城太子住過幾次,附近都好熟了。

無印喼

上野公園賞夜櫻

稍作安頓,搭JR去上野公園賞夜櫻,其實夜晚賞櫻不是看得好清楚,影相也不容易,不過氣氛好好,一長排燈籠,沿路開滿櫻花,人人在樹下鋪張墊,喝酒吃點心,鬧哄哄的,逛了一會,太肚餓了,出去找食的。

上野夜櫻

夜晚的櫻花好難影得靚。

上野夜櫻

上野夜櫻

明月與櫻花。

MAGURO-ICHIBA食魚生飯

原本想去食上次食過的河岸乜乜市場(MAGURO-ICHIBA)食魚生飯,查到上野都有分店(有無限上網咭,今次仲係同人夾,每人百四蚊,掂),但行一陣後發現好遠,又好肚餓,所以在便利店買了個三角飯團,到上野公園湊下熱鬧,回池袋才食,但回到公園已關燈,櫻花的燈8點就無,吃過飯團回池袋。

上次食完魚生飯,臨走想食多次但找不到,今次再試,但唔知點解個google map同個指南針儍儍地,亂咁點,搞一大輪才去到,今次又好似無上次咁好食,不過無輪如何,都係抵食,三個人不用2000yen。今日好攰,返酒店啦。

魚河岸魚生飯

好味魚生飯加溫泉蛋。


歡迎留言