第四課:一定要上到網 12


6/6/2016(六)update

原本這也可算是訂乜訂物一項的,但比較多內容,所以另開一課。

以前去旅行,都要考慮怎樣打電話,今時今日去旅行,電話是其次,最緊要係上到網,除了與人聯絡要有WhatsApp,還要post相上FB,睇下朋友近況,就算不計這些,行程中有何需要,例如想食魚生飯,又或者找不到景點之類,都要上網求救找資料。

1)旅行router

P1050041

已是兩年前貨色,無特別功能,下面插LAN線,轉個插頭駁電源就用得。

上網亦有兩種方法,首先最簡單去買一個旅行router,去到旅館,只要有LAN線,一插入隻router,同埋將隻router接上電源,便有WiFi可用了,非常方便。我用的已是兩年前的貨色,唔記得幾錢,現時市面上百幾蚊已有,有些還可以做埋尿袋,甚至可以插SIM卡,請自行挑選。

update:

2015年去完一轉,其實現時日本一般酒店都有WiFi上網,有的只有大堂有,大部分房間都有,如果房中無或速度不理想,這種酒店多數都不會有LAN線口,所以今時今日旅行router作用不大,今次旅行我一次也沒用到,房中無WiFi便繼續用張數據卡。

2)數據卡

螢幕快照 2014-03-21 4.51.04 PM

b-mobile的visitor SIM是我去日本旅遊的必須品。

旅行router只可在有LAN線的旅館用,出街玩時就要靠手機,幾年來我都是用b-mobile的數據卡visitor SIM, 期間轉變都很大,次次去都唔同咗,唯一相同的就是我相信它仍是最平的數據卡。以前要用日本手提電話activate,但這些麻煩事都沒了,4094yen一張卡可用14天無限上網,速度只得3G,唔算快,WhatsApp上FB都無問題,post相就慢啲,覆蓋範圍都大致滿意,去到鄉下地方就弱啲,有時夜晚收唔到,第二朝又收到。

訂購的方法都很簡單,出發前一兩個星期上網訂,選好要用那一種SIM,我會叫佢早一天或我到步的同一天中午,送去我入住的酒店,那我一到酒店check in,就會收到這份郵件,上房插入手機,作一些設定就用得,官網有教你如何設定,驚就cap晒圖帶去,無網絡都有得跟。

visitor SIM是一張數據卡,不支援語音通話,亦不可用作skype,WhatsApp那些語音留言就可以。如果家中有多餘的具hotspot功能的智能電話,可以帶過去當pocket WiFi用。當然有pocket WiFi亦可帶過去用,不過由於有一些設定,用pocket WiFi的話難免要帶電腦,這個要留意。甚麼也不多帶也可以,直接插落用緊的手機中亦可,只要不重整WhatsApp個account,一樣可WhatsApp,不過就唔可以打電話同SMS了。

3)其他上網方法

其他還有很多上網方法,因為我沒用過,就只列一些出來供參考:

.電訊商的漫遊數據

一般電訊商都有逐日計的漫遊數據服務,約收$168一日,行程短可考慮,通常都要預先申請,亦要看清楚點為之一日的細節。

.租卡/pocket WiFi服務

唔想自己搞卡,又或者想租隻pocket WiFi去用,坊間其實好多出租數據卡和pocket WiFi的公司,佢幫你設定埋隻pocket WiFi,唔使煩。一般收費幾十蚊一日,請自行格價比較,以下列出幾間我都無用過,並非推介,只是參考,完全不負責任。

易訊數據

Japansim.com

WiFi BB

iNetPass

WiFi Egg

update:

最近一次旅行試用過YouYou WiFi的WiFi蛋,又平又好用,請看另文介紹。

.香港買數據卡

剛才找了一下,發現一張中國聯通日本7日3G上網卡,好似幾抵,聲稱唔會好似櫻花卡咁上唔到FB,有3.5G速度,價錢$299,同b-mobile張卡差不多,速度快啲但日數短啲,如果有朋友試過,請上來分享一下,我對呢張卡幾有興趣。

最近有網友EDL留言話用過這張聯通的上網卡,話頭尾用足8日,速度唔快但上到FB同WhatsApp,而且經香港聯網訂有網上價$248,還包埋速遞送上門,看這張卡的spec.,速度比b-mobile張visitor SIM快,一個星期的日本之旅最啱,多謝EDL的分享。

update:

現在我不會用b-mobile的數據卡了,之前試了富士卡,超平,$120可用7日1.8G,今次再試了JWalker張11日4G卡,$300,好用到不得了,這兩張卡的詳情請看另文獨立介紹

 



歡迎留言

12 thoughts on “第四課:一定要上到網